ابراهيم رزق السبكى المراقب العام
عدد المساهمات : 354 تاريخ التسجيل : 09/12/2009 العمر : 32 العمل/الترفيه : مهندس
| موضوع: معجزات للقديس فيلوباتير رائعه الأحد مارس 14, 2010 10:37 pm | |
| [ حصريا وبانفراد تام انفراد خاص جدااااا
تنشر لاول مره[] ]قبل التسجيل بالدير احدث معجزات] [ الشهيد العظيم ] فيلوباتير[ مرقوريوس ابو سيفين
دي قريبتي !!!!؟؟؟السيده / ناهد اكتشفت من فتره ليست ببعيده اصابتي بورم في العصب الثمبساوي طبعا مكناش نعرف ايه نوع الورم اذا كان حميد او غير ذلك بعد عمل الكثير من الاشعات المتخصصه اكد الاطباء ضروره اجراء عمليه لازاله الورم انا كنت خايفه جدا خصوصا بعد الكلام الي سمعته من الاطباء وخصوصا ان الورم قريب جدا من منطقه الاحبال الصوتيه ونتائج العمليه غير مؤكده وخصوصا ان النتائج السلبيه ها تكون كتير في الاول عرفت ان ها يكون في ثقل في عمليه الكلام بعدها عرفت ان ممكن يحصل شلل نصفي ومخاطر كتير جدا ممكن اتعرض ليها بعد اجراء العمليه وفي نفس الوقت لابد من اجراء العمليه لانني معرضه في اي لحظه لحصول شلل نصفي او انفجار بالمخ وبعد مناقشات كتير وبعد معرفه خطوره العمليه انا قررت اني مش ها اعملها وقلت ها اقضي الايام الي باقيه ليه مع اولادي ووقت ما ربنا يريد ياخدني وانا وسط ولاادي ما اموتش في غرفه عمليات حاول زوجي اقناعي باجراء العمليه وبعد محاولات مع الاطباء قررت اني ها اعمل العمليه وزي ما ربنا عايز ليه ها يكون انا كنت عارفه اني لو دخلت العمليات مش ها اخرج منها تاني لمخاطر كتير ممكن تحصل جوه او لو حتي خرجت من العمليات حيه فا الاكيد اني ها اصاب بشلل نصفي زي ما فريق الاطباء اكد لاسرتي ولم يخبرني حتي لا ارفض اجراء العمليه انا اعتمدت علي رحمه ربنا وعنايته وقلت اكيد ربنا مش ها يتخلي عني من اجل اولادي يوم العمليه الصبح تمت الاجراءات المعتاده لتحضيري للعمليه والبسوني رداء العمليات وقعدوني علي كرسي متحرك في الكوريدور امام غرفه تجهيز الممرضات شوفت الممرضات وهما بيجهزوا وكان موجود بالغرفه دي رئيسه التمريض واثنين ممرضات معاها انا كنت قاعده وماسكه صوره امنا تماف ايريني في ايديه وحضناها وبصلي انها تتشفع من اجلي هي وحبيبها ابو سيفين وانا قاعده علي الكرسي وماسكه الصوره شوفت طبيب جميل وسيم جدا لابس روب الاطباء ودخل بص للمرضات وقالهم الحاله دي تبعي دي قريبتي وبصلي كده وقالي مش انتي قريبتي فا انا بصتله وقلت يمكن حد وصي عليه عشان يجي معاياه العمليات وما بقيتش عارفه ارد اقول ايه بصتله في عنيه وحسيت براحه عجيبه فقلت ايوه انت قريبي دخلوني غرفه العمليات وطلعت علي السرير وقعدت انا اظبط اللبس بتاع العمليات لانه كان مفتوح كله من الخلف ونمت علي السرير[/size] دخل ورايه وكان في غرفه العمليات بخلاف رئيسه التمريض والاثنين ممرضات الدكتور حسين الي ها يعمل العمليه وطبيب التخدير فدخل وناده علي دكتور حسين وقاله يا دكتور حسين الحاله دي تبعي وانا ها احضر معاها دكتور حسين ما ردش كان رسم القلب بتاعي فقد مباشره قبل دخولي غرفه العمليات فراح الطبيب الجميل الطلعه ( ابو سيفين ) قالهم انا عاوز رسم قلبي دوري طول فتره العمليه وراح قعد يحط زي بلاستر في اماكن علي صدري وظهري وراح مطبطب علي كتفي وقالي متخافيش انا معاكي لاخر العمليه مش ها اسيبك ها افضل معاكي وها تكوني كويسه ومش ها يبقي في حاجه وبصلي في عنيه وقتها انا عرفته انه الشهيد ابو سيفين
ولما بصيت في عنيه حسيت باطمئنان وسلام عجيب وعرفت وقتها ان انا ها اكون كويسه وربنا مش ها يسمحلي بحاجه وحشه واخد ابره المخدر وحطها في ايدي انا ما حسيتش انه مخدر ولا بنج وكاني روحت في دنيا تانيه شايفه وسامعه كل الي بيحصل في غرفه العمليات كان الشهيد ابو سيفين واقف جنب دكتور حسين دكتور حسين اول ما فتح مكان الورم قرر انه يقفله ومش ها يعمل العمليه وقال للموجودين بالغرفه لا مش ها نعمل العمليه ده الورم طلع منتشر واكبر مما ظهر في الاشعات ووصل لغايه قاع المخ اي مشرط غلط ممكن تروح فيها حرام نبهدلها احنا ها نقفل ونسيبها لغايه ما ربنا ياذن حرام نعذبها فهنا راح الشهيد ابو سيفين قاله لا اشتغل وانا معاك ما تخافش وابتدي الشهيد يشاورله علي اماكن تسليك الورم الورم كان متشابك ومعقد جدا وكان فصله واستئصاله صعب جدا بس دكتور حسين هنا كان بيقطع ويفصل ويسلك في الورم زي ما الشهيد ابو سيفين بيشاورله في نصف العمليه حصل جلطه واختفت وقتها كلم الشهيد ابو سيفين الطبيب وقاله هات اثنين دكاتره واحد جراحه اوعيه دمويه والثاني جراح اورام بالفعل تم استدعاء الاثنين دكاتره ودخلوا واشتغلوا والعمليه انتهت هنا بيكمل باقي المعجزه افراد اسرتي وطاقم الاطباء والتمريض كانت المخاوف بعد اجراء العمليه انه يحصل شلل نصفي وفقدان للسمع والكلام والبلع وكان مقرر ليه اني ها اخرج من العمليات الي غرفه عنايه مركزه مده 15 يوم وانا خارجه من العمليات الاطباء قالوا اني بحركه لا اراديه حركت ايدي ورجلي اليمين فهنا اطمنوا ان مفيش شلل نصفي لاني حركت ايدي ورجلي وانا بفوق من الغيبوبه اتكلمت معاهم وقلتلهم ياه كل ده انتوا لسه ما خلصتوش انتوا اتاخرتوا كده ليه وبكده اطمنوا اني بقدر اتكلم ووقتها قال دكتور حسين يا نحمدك يا رب كده اتحركت ونطقت دي ما تطلعش عنايه مركزه دي تدخل غرفه عاديه وعليكم انكم تراقبوا موضوع السمع والبلع وانا لما طلعت غرفتي كنت خلاص قربت افوق فرحت متكلمه وقلت ياه انتوا عمالين تتكلموا وعاملين دوشه انا تعبانه بطلوا كلام فطاقم التمريض فرح جدا اني قدرت اسمعهم ووقتها طلبت منهم اني اشرب يدوب بللوا شفتي بنقاط مياه فلااحظوا اني ببلع راحوا وقالوا لدكتور حسين ان انا بقدر اسمع وببلع فقال دي معجزه يا جماعه اشكروا ربنا انها قامت من عمليه كبيره زي دي الست دي في كل الاحوال كانت ها تطلع من غرفه العمليات باي عجز في حواسها انتوا عايشين في وقت معجزه من يوم اكتشافكم لهذا الورم وهوه في مرحله متاخره قوي كده واستاصاله بدون حصول اي عجز ده معجزه لان هذه المنطقه كلها منطقه اعصاب وانا ما اعرفش ممكن يكون المشرط خبط في ايه شهاده اسرتي الجيع شهد ان من وقت دخولي غرفه التجهيز مع الثلاث ممرضات لم يدخل اي فرد اخر والموجودين بغرفه العمليات كانوا الممرضات الثلاث ودكتور حسين وطبيب التخدير ولم يدخل الغرفه اي فرد اخر بخلاف الاثنان اطباء الذين تم استدعاؤهم في نصف العمليه ولم يدخل الغرفه اي شخص اخر بخلافهم ولم يخرج ايضا اي احد سواهم بالنسبه لدكتور حسين شهد وقال انا اول ما فتحت مكان الورم ووجدته متشعب بهذه الطريقه قررت غلق الجرح وعدم اجراء العمليه لانها حاله منتهيه بس وجدت صوت الهي بداخلي بيقولي اشتغل وانا معاك فقررت اشتغل وكان ايدي مش انا الي بتشتغل ايد تانيه وصوت جواياه بيرشدني اعمل هنا افتح هنا افصل هناك وفي منتصف العمليه وجدت هاتف داخلي بيقولي اطلب طبيب جراح اوعيه دمويه وطبيب اورام وبالفعل حضروا واشتغلنا والعمليه تمت وفوجئنا اثناء خروجنا من العمليات بان الحاله بتحرك ايدها ورجلها وده كان مستحيل لاننا كنا متاكيدن من اصابتها بشلل نصفي لكن ربنا كان معاها وما حصلش زي ما توقعنا وبالتدريج لقيناها بتكلم وهيه في الغيبوبه ولما فاقت عرفت انها بتسمع كويس وكمان طلبت تشرب العمليه دي كانت كبيره جدا لكن ربنا كان ساندها قوي واحنا كلنا شعرنا بايد ربنا موجوده معانا
بنعمه المسيح تم تحليل الورم الذي تم استئصاله من السيده ناهد ووجد ان 95% حميدي و الـ 5 % متابعه وجلسات للقضاء علي اي خلاياه موجوده وبالفعل تم الحجز لها عند طبيب اورامحاليا مدام ناهد بتاخد جلاسات كيماوي صلولها قوي الموضوع ده متعب جداا
ربنا حنين جدا علي اولاده وكل يوم بنشوف وبيحصل معجزات كتير جدا ربنا بيقول انا معكم كل الايام ما تخافوش وانا حاسس بيكم
يا رب انت بجد اله حنان ما بتتخلااش عن ولاادك
يا ريت كل واحد حصلت ليه معجزه يبعتها لنا واحنا ها ننشرها ونمجد اسم الله في قديسيه
ملخص ترجمه التقارير والاشعات
1- بتاريخ 13/12/2009 ورم في الجانب الايمن من الرقبه ويحتاج الي اشعه رنين مغنطيسي
2- بتاريخ 19/12/2009 نتيجه الرنين المغنطيسي اوضحت وجود ورم من وريد في الرقبه ويحتاج الي فحوصات اخري
3- تقرير بعد العمليه ورم حميدي بنسبه 95% من الورم والـ 5 % فقط ممكن ان يتحول الي ورم خبيث [/size] | |
|