مرمر كبرت ودخلت كلية العلوم برغم انها كان نفسها تدخل فنون جميلة بس اهو اللى حصل بقى
لكن عاشت مرمر ايام الجامعةوهى بتحلم بالفرشة والألوان
ومرت الايام ويوم يعدى وراه يوم والفكرة بتكبر فى دماغ مرمر ومن حسن الحظ ان زميلتها اللى معاها فى الاوضه فى السكن كانت تربية نوعية قسم رسم
كانت زميلتها تروح الكلية من هنا ومرمر هاتك يا تخريب فى الالوان واللوحات والفرش بتاعة زميلتها وفى يوم جاتلها فكرة مجنونة نفسها ترسم لوحة كبيرة تعبر فيها عن نفسويتها يا عينى
ومتعرفش ايه اللى اتهيألها ان دى لوحة كبيرة وبدون ماتحس مسكت الالوان ونزلت رسم وتلوين وشخابيط وعملت لوحة كبيييييييييييرة يمكن متر فى متررررررررر ومرمر لسة بتعمل تفنيش للرسمة وعمالة تمضى بقى من تحت مررررررررررمرررررر
هوووووووب زميلتها دخلت عليها وقالتلها
ايه اللى انتى عكتيه دة يا خرابى يا لهوى الحيطة يا نهارى
طبعا مرمر ولا هنا خالص ومنهمكة فى رسمتها وحلم حياتها وزميلتها تقولها ولما تيجى تاسونى دلوقتى وتشوف اللى انتى هببتيه هنعمل اييييييه رى علياااااااااااااااا هتجننينى اشد شعرى يا نااس ومرمر برضه ولا حياة لمن تنادى هههههههههههههههههههه واخيراً فاقت مرمر على صوت تاسونى وراها وهى مفرقعه من الغيظ والغضب
وبتزعق ايه اللى هببتيه ده انتى اكيد اتجننتى الحيطة؟؟ ترسمى على الحيطة؟؟!!
اقول ايه لأبونا مشرف السكن اقوله معلش عندى بنت بتحب الرسم رسمت على حيطة اوضتها وتاسونى تزعق ومرمر تضحك ههههههههههههههه
اصله بينى وبينك موقف تحفة هتعمل ايه يعنى ؟؟
وفجأة صدر فرمان من تاسونى ان مرمر تنضف الحيطة بأى طريقة وهتمر خلال ساعة تكون الحيطة زى الاول وانضف كمان