موضوع: هل انت خجول؟ الثلاثاء مارس 16, 2010 5:13 pm
طبعا دى مجرد لعبه محدش يصدق الدرجات بس ادينا بنتسلى
<1> انت قدامك مقابله عمل وقلقان قوى انك متخدش الوظيفه وانت عاوزها قوى فطلبوا منك انك تقدم موضوع قدام مجلس الاداره وانت جهزت الموضوع بس قبل لما تدخل دلقت قهوة على قميصك وعملت بقعه تعمل ايه؟ 1 هتعمل نفسك مش قادر دلوقتى وخليها فى وقت تانى 2 هتركز على الوظيفه لان دى فرصتك وتهزر وتتريق انك دلقت قهوة على القميص 3هتحاول تغطيها بأى حاجه وتكمل مع انك هتفضل تحاول تغطيها لحد لما تخلصومش قادر تركز
<2>اصدقاء والدك زاروكوا و والدك اقترح انه يوريهم صور مضحكه ليك وممكن تكون محرجه شويه 1 تتحرج شويه وتبص معاهم وانت ساكت 2 تحاول تهزر وتقول تعليقات مضحكه على الصور 3 اول متسمع الاقتراح تحاول تغير الموضوع
<3>فى الشغل و المدرسه عرفت ان مجموعه مهمه من انجلترا جايه تشوف المكان وانت اختاروك انك تقدملهم المكان مع ان اللغه الانجليزيه عندك مش كويسه كفايه والتلفزيون هيصور مباشر الحكايه دى 1 تقول مش مشكله مع انك عارف انك هاغلط شويه وتستنى الزياره على احر من الجمر 2 توافق بس بتقول ياريت الحكايه دى تخلص بسرعه وتكون قلقان قوى 3 ترفض لانك خايف ان تتحرج
<4>بتكلم على الايميل مع واحد/واحده من اصحابك وجت اختك الصغيره وزعقتلكلانك نسيت حاجه واتخانقتوا وصحبك سمع 1 توضح الموقف وتضحك على الحكايه دى 2 هتزعل وتحول تتجنب صديقك منعا للاحراج 3 هتزعل جدا ومش هتتكلم مع اختك تانى وصحبك مش هاتكلموا لحد ما الموضوع يتنسى
<5>انت فى الشغل او المدرسه وكنت تعبان فنمت وبعد كده تصحى تلاقى الى حوليك عمالين يضحكوا 1تقول ان انت كنت بتهزر وانك مكنتش نايم 2 تتجاهل الضحك بس كل ما تتجاهل كل ما اتحرجت اكتر 3 تلااقى الموقف مضحك وتعتزر للحوليك على الازعاج