بسبوسه صيامى بالمانجو

المكونات

( كيس بسبوسه )

2 كوب عصير مانجو

(او 2 زجاجة عصير مانجو )

1\4 كوب زيت

2 م صغيره بيكنج بودر

3م ص جوز هند

فول سدانى حلوانى صحيح او مطحون

الطريقه

يخلط الصلب اولا ثم السائل وبالشوكه نبسها كويس ونضعها فى صينيه قطرها 30 سم

ملحوظه
بلاش ندهن الصينيه زيت وممكن نجيب ورق الزبده ونقصه على اد الصينيه و نضع عليها الخليط ونزوقه من فوق بالسدانى الصحيح او المطحون وبعد كدا نضعها فى الفرن

ملحوظه
الفرن يسخن من اول ما نبدا فى عمل البسبوسه على 260 درجه

وبعد ما نضع الصينيه فالفرن نخلى الحراره 200 درجه لمدة 45دقيقه تقريبا
اول نص ساعه نطلعها من الفرن و نقطعها و نضعها تانى فالفرن لمده ربع ساعه بعد كدا على طول نسقيها بالشربات البارد ونطلعها من الصينيه

على صنيه كبيره ونشيل ورقه الزبده منها ونقلبها عشان تشرب من فوق ومن تحت

عمل السيرب او الشربات الخفيف

( كوب ونصف ماء + كوب ونصف سكر ) نضعهم على النار وبعد الغليان نضع عليهم نص لمونه ونخليها فالثلاجه

لمده يوم قبل ما نسقيها للبسبوسه

بجد شكلها و ارتفاعها وطعمها

مفاجاه

شبه الصوره اللى فوق

جربوها بنفس الخطوات

وفى انتظار ارائكم و وبالهنا والشفا